MƏXFİLİK SİYASƏTİ — Market Clashes

Son yenilənmə: 5 oktyabr 2026

Bu sənəd Market Clashes oyununun (www.marketclashes.com) hansı məlumatları topladığını, nə üçün istifadə etdiyini və necə qoruduğunu izah edir. Əlaqə: info@marketclashes.com

1. Hansı məlumatları toplayırıq

• Hesab məlumatları: ad soyad, e-poçt ünvanı, şifrə (şifrələnmiş formada saxlanılır, biz onu görmürük), doğum tarixi, cins, dil seçimi, oyun adın, avatar rəngin.
• «Özün haqqında» (istəyə görə): peşən, marketinq təcrübən, şəhərin, bizi haradan eşitdiyin, dəvət kodu. Bu məlumatlar heç kimə göstərilmir; oyunu və təlim təkliflərini yaxşılaşdırmaq üçün ümumiləşdirilmiş formada istifadə olunur.
• Oyun məlumatları: matçlar, nəticələr, MP, SX, MC balansı, kart kolleksiyan, dəstələrin, missiyalar, nişanlar, sezon irəliləyişi.
• Sosial məlumatlar: dost siyahın, alyans üzvlüyün, dostlarla və alyansda yazdığın mesajlar, göndərdiyin şikayətlər, dəvət linkləri ilə gələn oyunçular.
• Texniki məlumatlar: giriş vaxtı, cihaz və brauzer növü, IP ünvanı, xəta qeydləri — yalnız təhlükəsizlik və xətaları düzəltmək üçün.
• Anonim statistika: Cihaz növü, brauzer və təxmini ölkə/şəhər anonim statistika üçün qeyd olunur; IP ünvanı saxlanmır.

2. Məlumatlardan nə üçün istifadə edirik

• Hesabını yaratmaq, səni tanımaq və oyunu işlətmək.
• Reytinq, sezon nəticələri və dost siyahılarında oyun adını və nəticələrini göstərmək.
• Qeydiyyat, şifrə bərpası və vacib xidmət məktubları göndərmək.
• Fırıldaqçılığın, spamın və qayda pozuntularının qarşısını almaq.
• Oyunu yaxşılaşdırmaq: balans, xətalar, yeni funksiyalar.

Məlumatlarını satmırıq və reklam şirkətlərinə vermirik.

3. Kimlərə görünür

• Hamıya: oyun adın, avatarın, pillən, MP və reytinq yerin.
• Dostlarına və alyansına: onlayn olub-olmaman, matç tarixçənin qısa göstəriciləri, yazdığın mesajlar (yalnız alanlara).
• Heç kimə: e-poçtun, şifrən, doğum tarixin, cinsin və «Özün haqqında» cavabların.

4. Xidmət təminatçıları

Oyun bu xidmətlərin köməyi ilə işləyir; onlar məlumatı yalnız bizim tapşırığımızla emal edir:

• Supabase — verilənlər bazası və hesablar;
• Vercel — saytın yerləşdirilməsi;
• Resend — e-poçt göndərilməsi;
• Google Analytics və Microsoft Clarity — saytın istifadəsinin anonim ölçülməsi (bax: Kukilər).

5. Saxlama müddəti

• Hesab aktiv olduğu müddətcə məlumatlar saxlanılır.
• Hesabı silmək istəsən, info@marketclashes.com-a yaz — 30 gün ərzində hesabın və şəxsi məlumatların silinir. Anonimləşdirilmiş oyun statistikası (adsız) qala bilər.
• Texniki qeydlər ən çox 90 gün saxlanılır.

6. Hüquqların

• Haqqında hansı məlumatları saxladığımızı öyrənmək;
• səhv məlumatın düzəldilməsini istəmək;
• hesabının və məlumatlarının silinməsini istəmək.

Bunun üçün info@marketclashes.com-a yaz.

7. Təhlükəsizlik

Bağlantı şifrələnir (HTTPS), şifrələr açıq formada saxlanılmır, hər oyunçu yalnız öz məlumatlarına çıxış əldə edir. Heç bir sistem 100% təhlükəsiz deyil — şübhəli bir şey görsən, bizə yaz.

8. Yaş həddi

Oyunda qeydiyyat üçün ən azı 13 yaş tələb olunur; yaş qeydiyyatda göstərilən doğum tarixi ilə yoxlanılır. 18 yaşdan kiçiklər valideynin razılığı ilə oynamalıdır.

9. Kukilər

Sayt iki növ kuki işlədir. Zəruri kukilər girişini və oyun ayarlarını yadda saxlayır — onlarsız oyun işləməz. Analitika kukiləri (Google Analytics, Microsoft Clarity) saytı necə istifadə etdiyini anonim şəkildə ölçür: hansı səhifələrə baxılır, haradan gəlinir, harada çətinlik olur. Bu məlumat yalnız oyunu yaxşılaşdırmaq üçün işlədilir, satılmır və reklam üçün istifadə olunmur. Qeydiyyatdan keçərkən buna razılıq verirsən. Brauzer ayarlarından kukiləri istənilən vaxt silə bilərsən.

10. Dəyişikliklər

Siyasət dəyişəndə yeni versiya bu səhifədə yayımlanır, vacib dəyişikliklər barədə oyunda xəbər veririk.